भोटेकोशी बाढीले रसुवा र नुवाकोटमा मात्र पाँच हजार सात सय बढी घरमा क्षती पुगेको छ ।

बिज्ञापन

पूर्वाधार विकास मन्त्रालयको सहरी विकास तथा भवन निर्माण विभागको टोलीले गरेको प्रारम्भिक अध्धयन अनुसार,रसुवा र नुवाकोटमा गरी पाँच हजार ७ सय ५६ बढी घरमा पूर्ण रुपमा क्षति पुगेको विवरण तयार पारेको हो । जसमा नुवाकोटमा मात्र ३ हजार ९७७ वटा घरमा क्षति पुगेको र रसुवामा १ हजार ७ सय ७९ घरमा पूर्ण रुपमा क्षति पुगेको प्रारम्भिक तथ्यांक संकलन गरेको छ । जसमध्ये नुवाकोटको सदमुकाम विदुरमा ३ हजार २६, किस्पाङमा ६९६, बेलकोटगढीमा २९२ र तारकेश्वरमा ४३ घर क्षतिग्रस्त भएका छन्। त्यस्तै, रसुवामा १ हजार ७७९ घरमा क्षति पुगेकोमा गोसाइँकुण्ड गाउँपालिकाको २ र ३ नम्बर वडा तहसनहस भएको छ। सो पालिकामा मात्रै १ हजार ४० घरमा क्षति पुगेको छ।यस्तै, उत्तरगयामा ५६७ घर क्षतिग्रस्त भएका छन् भने कालिकामा ११२, आमाछोदिङ्मोमा ५७ घरमा क्षति पुगेको छ।